Ísafirði, 15. júní 2009


Fréttatilkynning


Aðalmót Sjóstangaveiðifélags Ísfirðinga 3. og 4. júlí 2009

Ísafirði, 15. júní 2009

Aðalmót Sjóstangaveiðifélags Ísfirðinga 3. og 4. júlí 2009

Aðalmót Sjóstangaveiðifélags Ísfirðinga verður haldið föstudaginn 3. júlí og laugardaginn 4. júlí og er mótið hið fimmta í röð átta móta sem haldin eru víðs vegar á landinu og er liður í Íslandsmeistaramótinu í sjóstangaveiði.
Auk verðlauna fyrir sigur í sveita- og einstaklingskeppni verða veitt verðlaun fyrir stærstu fiska einstakra tegunda, fyrir stærsta fisk mótsins, til aflahæsta heimamannsins, fyrir flestar veiddar tegundir, hæstu meðalþyngd og til þriggja fengsælustu skipstjórana. Aukaverðlaun verða veitt fyrir að slá út gildandi Sjóís-met stærstu fiska. Búast má við að veiða þorsk, ufsa, ýsu, karfa, steinbít, sandkola, rauðsprettu, lúðu, lýsu og marhnút. Auk þessara tegunda er möguleiki á að veiða skötusel, makríl, og flundru, tegundir sem veiðast hérlendis í auknum mæli í kjölfar hlýnandi sjávar.

Í mótið eru skráir 34 keppendur frá fimm félögum, 6 konur og 28 karlar. Róið verður á 10 bátum frá Bolungarvík og látið úr höfn kl. 6.00 báða dagana. Fyrri daginn er veitt til kl. 14.00 en til kl. 13.00 seinni daginn. Mótssetning verður fimmtudaginn 3. júlí kl. 20.00 í veitingarhúsinu Einarshúsi í Bolungarvík.

Stjórn Sjóís.